Anong klaseng beki ka?

Dahil dumadami na nga raw ang sex genre nagiging uso na rin ngayon ang mga pronouns para walang kalituhan. At dahil diyan sa lahat ng umuusbong na genre ay nangingibabaw ang mga bading. Sabihin na nating gumagawa sila ng ingay simula pa ng mga nakaraang taon. Hindi man hinihingi ng mga tao ang aking opinyon, hindi man tama para sa ilan pero subukan natin mag classify ng mga bading na kakilala, nakilala, katrabaho, naamoy at nabalitaan ko.

Kung beki kam saan ka kaya nalilinya sa mga ito?

Ikaw ba yung..

PA-BRUSKO TYPE or the MUSCLE QUEENS

May iba't-ibang uri ng mga macho. Ito ang pag-uusapan natin sa kategoryang ito. Macho dahil malalaki ang katawan. Sila ung karaniwang nakikita mo sa gym, nagbubuhat ng mabibigat na barbel. Ito yung mga profile picture sa Facebook o Instagram na katawan lang, walang ulo. Macho papa ang pangangatawan, pero kapag nagsalita na. Bingo! beking-beki pala. Sabihin na nating out and proud. Pero mostly, sila yung in denial. Yung alam na ng buong mundo na bading sila, pero hinding-hindi aamin, at sa kanilang mga malalaking muscles itinatago ang mala-carnation pink na dugo na nananalaytay sa kanilang mga ugat. Maaaring confused pa ang state of mind pagdating sa kanilang sekswalidad. Sabagay wala naman masama duon, nakakatuwa lang isipin ang pag in denial ng mga katulad nila. Ito rin yung kaklase mo noong high school na noon ay nakikita mong exposed na exposed ang pagka reyna dahil sa pagsuot ng props niyong gown at rumarampa sa clasroom tuwing may mga group program. Aakalain mong pagtanda eh magpapaputol ng kanilang German sausage at papalitan ng artificial pechay, pero ngayon ay kalbo, balbas-sarado at mas malaki pa ang katawan sa bouncer o gym instructor.

or ikaw ay...

THE EXTRA SPECIAL TYPE

Sila yung mga gifted kind. The good side of being gay. Sila yung mabubuting ehemplo. Ang mga bading na ipagmamalaki mo. Ito yung mga grupo ng mga beklat na kontrapelo ng mga haters at bumubuo ng stereotype na ang matinong bading ay matalino, witty at may silbi sa lipunan. Ang grupo na ipaglalaban ka kung bading ka rin. Ang karapatan ng mga sisters nila na nabibilang sa LGBT community. Ang mga tipong nakarating na sa rurok ng kasikatan. Maaaring sila yung bading na naging boss mo sa call center o sa kahit anong trabaho na napasukan mo o bading na naging teacher mo noong high school o college. Sila yung mga bading na hindi lang nakakatawa, pero alam mong may laman ang mga kukote.

baka naman ikaw yung..

THE COMMON TYPE

Sila yung mga purong out and proud, ang pinaka common na bading. Yung walang itinatago at alam sa buong komunidad na sila ay bading at walang pakialam sa iisipin ng tao. The loud kind of gay! Sila yung mga bading na paborito ng karamihan, masarap panoorin o kausapin dahil sila yung talagang nakakatawa kausap. Sila yung mga tipong masaya at masarap kaibiganin dahil sila ang nagpapagaan ng araw mo kahit bagong gising ka at nakalamukos ang mukha mo at bigla mo silang masasalubong sa tindahan that will brighten enough your day. Sila yung gay lingo machine mo at sa kanila ka natututo ng kabaklaang salita. Almost parlor kind, dahil sila yung tipong parlorista ang galawan pero matino ang itsura.

Queen - I Want to Break Free

o hindi kaya ay...

THE DARAGISTA TYPE

Ang uri naman ng mga bading na ito ay yung lagi mong nakikita sa parlor or mga contestang sa mga gay beauty contest. Sila rin minsan yung nakikita mo sa mga stand-up comedy bars. Ang mga bading na laman ng dyaryo dahil sila yung napatay o nanakawan ng mga boylet nila. Mga drag queens sa mga shows sa Malate.

siguro ikaw yung..

THE STRAIGHT TYPE

Ito yung mga lalakeng-lalake ang tindig at pananalita. Maaaring sila yung mga nahihilig sa sports, may mga bebot sila pero kung tatanungin mo sila, aamin sila na beki sila. Yung mayroong extra shock sayo dahil hindi mo nga aakalaing bakla pala. Ika nga they are the straight man who likes to sleep with other men. Mga bading na serious kind, hindi kadalasan na nakakatawa at kapos sa sense of humor. May angking kakulitan, gaya sa mga tunay na lalake. Pwede mapagkamalang paminta, pero open sa sexuality nila. Sila yung tipong di mo na kailangan ipangalandakan sa lahat na beki ka dahil hindi naman ganun ang kilos mo pero kung may magtatanong, aamin sila.

O ikaw ito...

ANG PANGET NA BEKI TYPE

Maraming klase ang ganitong bading. May mga tolerable at meron din terrible, at kung mas malala kriminal. Sila yung mga tipong nagbabahid ng di magandang kulay sa komunidad ng LGBT. Yung mga bading na hindi maganda kausap dahil wala ng ibang sasabihin sayo kundi mga ka-negahan sa buhay. Bad vibes! Yung mga nakukulong dahil nang-aabuso at nangre-rape ng mga batang lalaki masunod lamang ang tawag ng laman. Yung mga nanlalasing ng mga kabarkada para tsansingan/bosohan ang mga ito. Basta lahat ng bading na masama ang ugali, dito sila nakakaclassify.

Marami pang iba, Andyan yung mga dating lalaki, pero may pechay na. Yung mga bading lang kumilos pero lalaki talaga. At yung mga babae kumilos kahit mas mukha pa silang lalake sa tatay nila at marami pang iba.

So, na-classify mo ba ang sarili mo? sino ka sa kanila?