Piyesa para kay Ivana

'Isang mapag-pantasyang tanghali'

Natapos ang pananghalian

Nagmumuni muni para antukin sa katanghaliang walang kulay

at saysay

Kanina ko pa tinititigan

ang bagong kalendaryo mo,

Ivana

Nangangarap, umaasa sa kawalan

O, gusto kong tabihan ka habang nagkakape

Gusto kitang ipagtimpla ng kape,

Kapeng magpapanatili ng init dito sa kanayunan

Nais ko rin sanang maramdaman ng aking kaluluwa

ang pagtingin ng iyong mga mapupungay na mata

Gusto kong malaman kung gusto mo rin ba ng mga tula

(o, gusto mo bang sulatan kita ng tula)

pareho ba tayo ng binabasa

pareho ba tayong may nunal

sa paa

Nais kong hawakan ang iyong kamay

Ikumpara ito sa init ng tasa ng kape

Garbage - #1 Crush

Sa init ng aking puso

Gusto kong sabihin sa iyo na kaya kong baliktarin ang mga titik at mga salita,

piliting huwag gumamit ng tuldok at koma

para lang sabihing

iniibig kita

Itong sulat na ako lamang makakabasa, damdamin na hindi aabot kung nasaan ka

Pero tanging titig lang mula sa kalendaryo ang kaya kong gawin

nang hindi mo pa nalalaman.

Ikaw ang tanging daigdig sa apat na kuwadradong sulok

Naron ka't nagpapaalala ng araw-araw

Sa darating na tatlong daan at anim na put limang pag-ikot ng mundp

Sa pagtulog, sa paggising at paghigop ng kape

wala akong ibang tanaw, kung di ikaw

Ivana

Pero narito ako ngayon nakabara mula sa hangganan ng kalendaryo at katotohanan

Recent Posts